Buththala Naththala - Sadara Bandara

Lyrics...Buththala Naththala ×

ගිනිකොන දිග ගිනි හුළඟ හමා එන ඌවේ දෙසැම්බරේ..
සඳ එළියේ කුරගාමින් ඇදෙනා ජුසේගේ ට්‍රැක්ටරේ
තිත්ත රසට උස ගිය මස් ගස්  ඇති උක් දඬු වනන්තරේ
නත්තල මැද්දේ බුත්තල ඉපදුණු ජේසුගේ කතන්දරේ..


කට පුංචාගෙන් ඉඳහිට වෙඩි හඬ ඇහුණා
එඬේරු නැති ගොම්බානක ගෙජ්ජි බැඳලා තිබුණා
තරු නම් හිස් අහසේ ඔනේ තරම් දිලුණා
බිළිඳු හඬට මුලු වෙල්ලසම නිවුණා..


ගව මඩුවේ ඉපදුනත් රජ මැදුරේ ඉපදුනත්
ගොයම් යායේ ඉලුක් ගාලේ වනන්තරේ ඉපදුනත්
මේ ලෝකෙට ඉපදෙන්නේ දෙවියන්ගේ දේව පුතෙක් 

හැම මොහොතම නත්තලක් හැම දිවියම ගවලෙනක්